A Sociedade Filarmónica da Coruña comeza as actividades do seu 120 aniversario coa programación de 5 concertos que terán lugar no Teatro Rosalía de Castro de febreiro a xuño de 2024.
A música de cámara segue sendo o eixo fundamental da nosa programación, nas súas diversas vertentes, desde os recitais ata a orquestra de cámara.
No noso compromiso cos nosos intérpretes, continuaremos co programa especial "Os Nosos" coa visita do flautista André Cebrían, frauta só da Orquestra de Cámara Escocesa. André ofrecerá un interesante concerto coa OCGa cun percorrido polo repertorio escrito para o seu instrumento desde o barroco aos nosos días.
Aproveitaremos a visita dalgúns dos artistas á nosa cidade para que poidan ofrecer masterclases en cooperación cos dous centros de educación musical da Coruña, o Conservatorio Profesional e o Conservatorio Superior. Á vez que mantemos os convenios cos mesmos centros para ofrecer entradas gratuítas para o seu alumnado.